സിനിമയെടുക്കുന്നത് ജൂറിയിലുള്ള പത്ത് പേർക്ക് കണ്ട് മാർക്കിടാനല്ല- പൃഥ്വിരാജ് സുകുമാരൻ

ഷാർജയിൽ നടന്ന ഓണ മാമാങ്കം പരിപാടിയിൽ സംസാരിക്കവെ, താൻ സിനിമ ചെയ്യുന്നത് പ്രേക്ഷകർക്ക് വേണ്ടിയാണെന്ന് നടൻ പൃഥ്വിരാജ് സുകുമാരൻ. ഏതെങ്കിലും ജൂറിയിലുള്ള 10 പേർക്ക് മാർക്കിടാനല്ല സിനിമ ചെയ്യുന്നതെന്നും പൃഥ്വിരാജ് കൂട്ടിച്ചേർത്തു. ദേശീയ ചലച്ചിത്ര പുരസ്‌കാരവുമായി ബന്ധപ്പെട്ട് അടുത്തിടെ നടന്ന വിവാദങ്ങളുടെ പശ്ചാത്തലത്തിൽ പൃഥ്വിരാജിന്റെ ഈ പ്രസ്താവന ശ്രദ്ധേയമാണ്.

“സിനിമയെടുക്കുന്നത് നിങ്ങൾക്ക് വേണ്ടിയാണ്. അല്ലാതെ ഏതെങ്കിലും ഒരു ജൂറിയിലുള്ള പത്ത് പേർക്ക് കണ്ട് മാർക്കിടാനോ, അല്ലെങ്കിൽ ഏതെങ്കിലും ഒരു ഇന്റർനാഷണൽ ഫെസ്റ്റിവലിൽ പ്രദർശിപ്പിക്കാനോ അല്ല. ഇതെല്ലാം നല്ല കാര്യങ്ങൾ തന്നെയാണ്, അതിനൊക്കെ അതിന്റേതായ ഗുണങ്ങളുണ്ട്. പക്ഷെ അടിസ്ഥാനപരമായി സിനിമ ചെയ്യുന്നത് നിങ്ങളെ ഉദ്ദേശിച്ചാണ്. ആടുജീവിതം എന്ന സിനിമയ്ക്ക് ലഭിക്കാവുന്ന ഏറ്റവും വലിയ പുരസ്കാരം നിങ്ങൾ ഇതിനകം തന്നു കഴിഞ്ഞു,” പൃഥ്വിരാജ് സുകുമാരൻ പറഞ്ഞു.