ഇനി ഡോക്ടർ കാന്തപുരം എ.പി. അബൂബക്കർ മുസ്ലിയാർ, യെനെപോയ യൂണിവേഴ്സിറ്റി ഓണററി ഡോക്ടറേറ്റ് സമ്മാനിക്കും

പ്രമുഖ മുസ്ലിം മത പണ്ഡിതന്‍ കാന്തപുരം എ.പി. അബൂബക്കർ മുസ്ലിയാർക്ക് ഓണററി ഡോക്ടറേററ്.  യെനെപോയ യൂണിവേഴ്സിറ്റിയാണ് (Yenepoya University) ഓണററി ഡോക്ടറേറ്റ് ബഹുമതി കാന്തപുരത്തിന് സമ്മാനിക്കുന്നത്്.

വിദ്യാഭ്യാസ, ജീവകാരുണ്യ, സാമൂഹിക മേഖലകളിൽ നൽകിയ സമഗ്ര സംഭാവനകൾ പരിഗണിച്ചാണ് കർണാടകയിലെ പ്രമുഖ കല്പിത സർവകലാശാലയായ യെനെപോയ കാന്തപുരത്തിന് ഡോക്ടറേറ്റ് നൽകി ആദരിക്കുന്നത്. മംഗളൂരുവിൽ നടക്കുന്ന ചടങ്ങിൽ ബഹുമതി സമ്മാനിക്കും.

സാമൂഹിക സേവന രംഗത്തും മതസൗഹാർദ്ദം വളർത്തുന്നതിലും വിദ്യാഭ്യാസ പുരോഗതിയിലും അദ്ദേഹം വഹിച്ച മികച്ച പങ്കിനുള്ള അംഗീകാരമായാണ് ഈ ഡോക്ടറേറ്റ് ബഹുമതി.