മമ്മുക്കയുടെ ‘അമരം’ വീണ്ടുമെത്തുന്നു; നവംബർ 7ന് തിയേറ്ററുകളിലേക്ക്

മമ്മൂട്ടിയുടെ എക്കാലത്തെയും മികച്ച ക്ലാസിക് ചിത്രങ്ങളിലൊന്നായ ‘അമരം’ വീണ്ടും ബിഗ് സ്‌ക്രീനിലേക്ക് എത്തുകയാണ്. 2025 നവംബർ 7 ന് ലോകമെമ്പാടുമുള്ള തിയേറ്ററുകളിൽ ചിത്രം റീ-റിലീസ് ചെയ്യും. 1991-ൽ പുറത്തിറങ്ങിയ ചിത്രം 4K ഡോൾബി അറ്റ്‌മോസ് ശബ്ദ സാങ്കേതിക വിദ്യയുടെ സഹായത്തോടെയാണ് നവീകരിച്ച് പ്രദർശിപ്പിക്കുന്നത്. മമ്മൂട്ടിയെന്ന നടന്റെ അഭിനയ ജീവിതത്തിലെ നാഴികകല്ലായിരുന്നു ‘അമരം’. മലയാളത്തിലെ ക്ലാസിക്ക് ചിത്രങ്ങളുടെ പട്ടികയില്‍ ഇടം നേടിയ ചിത്രം. ചെമ്മീനിനു ശേഷം കടലിന്റെ പശ്ചാലത്തില്‍ കഥ പറഞ്ഞൊരു മനോഹര ചിത്രം. ലോഹിതദാസിന്റെ തിരക്കഥയില്‍ മലയാളത്തിന്റെ മാസ്റ്റര്‍ ക്രാഫ്റ്റുമാനായിരുന്ന ഭരതന്‍ ഒരുക്കിയ ചിത്രമെന്ന പ്രത്യേകതകൂടി ഇതിന് അവകാശപ്പെട്ടതാണ്.