ഒന്നാമതായി ക്രറ്റ, ജൂണിൽ ഇന്ത്യയിൽ ഏറ്റവും കൂടുതൽ വിറ്റഴിച്ച കാർ

മുംബൈ: 2025 ജൂണിൽ ഇന്ത്യയിൽ ഏറ്റവും കൂടുതൽ വിറ്റഴിക്കപ്പെട്ട കാറായി ഹ്യുണ്ടായി ക്രെറ്റ. ജൂണിൽ 15,786 യൂണിറ്റുകളുടെ വിൽപ്പനയാണ് ക്രെറ്റ നേടിയത്. മാരുതി ഡിസയറിനെ പിന്തള്ളിയാണ് ഹ്യുണ്ടായി ക്രെറ്റ ജൂണിൽ ഒന്നാം സ്ഥാനത്തെത്തിയത്.

കഴിഞ്ഞ 10 വർഷമായി ഇന്ത്യയിലെ മിഡ്-സൈസ് എസ്.യു.വി. വിഭാഗത്തിൽ ക്രെറ്റ സ്ഥിരമായി ഒന്നാം സ്ഥാനത്ത് തുടരുന്നുണ്ട്. പെട്രോൾ, ഡീസൽ എഞ്ചിൻ ഓപ്ഷനുകളിലും ഇലക്ട്രിക് വാഹനമായും ക്രെറ്റ ലഭ്യമാണ്. ക്രെറ്റ എൻ ലൈൻ, ക്രെറ്റ ഇലക്ട്രിക് എന്നിവയുടെ വിൽപ്പനയും ഈ കണക്കിൽ ഉൾപ്പെടുന്നു.

മാരുതി ഡിസയർ (15,484 യൂണിറ്റ്), മാരുതി ബ്രെസ (14,507 യൂണിറ്റ്) എന്നിവയാണ് വിൽപ്പനയിൽ രണ്ടും മൂന്നും സ്ഥാനങ്ങളിൽ. മഹീന്ദ്ര സ്കോർപിയോ, ടാറ്റ നെക്സോൺ തുടങ്ങിയ മോഡലുകളും മികച്ച വിൽപ്പന നേടി.

ജൂൺ മാസത്തിൽ മൊത്തത്തിലുള്ള കാർ വിൽപ്പനയിൽ നേരിയ കുറവ് രേഖപ്പെടുത്തിയിട്ടുണ്ടെങ്കിലും, ക്രെറ്റയുടെ വിൽപ്പനയിൽ മാസന്തോറും വർദ്ധനവ് ഉണ്ടായിട്ടുണ്ട്.