‘അറസ്റ്റിലായി 30 ദിവസം കസ്റ്റഡിയിൽ കിടന്നാൽ മന്ത്രിസ്ഥാനം പോകും’ ഭരണഘടന ഭേദഗതി ബിൽ ഇന്ന് ലോക്സഭയിൽ

അറസ്റ്റിലായി 30 ദിവസത്തിലധികം ജുഡീഷ്യൽ കസ്റ്റഡിയിൽ കഴിഞ്ഞാൽ മന്ത്രിസ്ഥാനം നഷ്ടമാകുന്നതിനുള്ള ഭരണഘടന ഭേദഗതി ബിൽ ഇന്ന് ലോക്സഭയിൽ.

130-ാം ഭരണഘടന ഭേദഗതിയാണ് കൊണ്ടുവരുന്നത്. പ്രധാനമന്ത്രിക്കും മുഖ്യമന്ത്രിമാർക്കും ഇത് ബാധകമായിരിക്കും. തുടർച്ചയായി 30 ദിവസം ഒരു മന്ത്രി, പൊലീസ് അല്ലെങ്കിൽ ജുഡീഷ്യൽ കസ്റ്റഡിയിൽ കിടന്നാൽ 31-ാം ദിവസം മന്ത്രിസഭയിൽ നിന്ന് നീക്കണമെന്നാണ് ബില്ലിൽ പറയുന്നത്. ഇതുമായി ബന്ധപ്പെട്ട ചർച്ചകൾ ലോക്സഭയിൽ പുരോഗമിക്കുകയാണ്. അഴിമതിയും ക്രിമിനൽ പശ്ചാത്തലവുമുള്ള വ്യക്തികളെ മന്ത്രിസ്ഥാനത്തുനിന്ന് മാറ്റിനിർത്താൻ ഇത് സഹായിക്കുമെന്നാണ് സർക്കാർ പറയുന്നത്. അതേസമയം, ഇത് രാഷ്ട്രീയ പകപോക്കലിന് ഉപയോഗിക്കാനുള്ള സാധ്യതയുണ്ടെന്ന് പ്രതിപക്ഷം വിമർശിക്കുന്നു.