സൂംബ വിമർശനം ടികെ അഷ്‌റഫിനെ സസ്പെൻഡ് ചെയ്യാൻ വിദ്യാഭാസ വകുപ്പ് നിർദേശം

സൂംബ ഡാൻസ് പദ്ധതിക്കെതിരെ പരസ്യമായി വിമർശനം ഉന്നയിച്ച ആദ്യ വ്യക്തികളിൽ ഒരാളായ വിസ്ഡം ജനറൽ സെക്രട്ടറിയും അധ്യാപകനുമായ ടി.കെ. അഷ്റഫിനെതിരെ നടപടിയെടുക്കാൻ പൊതുവിദ്യാഭ്യാസ ഡയറക്ടർ ആവശ്യപ്പെട്ടു. സർക്കാരിനെയും പൊതുവിദ്യാഭ്യാസ വകുപ്പിനെയും അപകീർത്തിപ്പെടുത്തുന്ന രീതിയിൽ ടി.കെ. അഷ്റഫ് സാമൂഹിക മാധ്യമങ്ങളിൽ പോസ്റ്റിട്ടുവെന്ന് ചൂണ്ടിക്കാട്ടിയാണ് നടപടിയെടുക്കാൻ ആവശ്യപ്പെട്ടത്.

ഇതിന്റെ ഭാഗമായി, പാലക്കാട് വിദ്യാഭ്യാസ ഉപഡയറക്ടർ ടി.കെ. അഷ്റഫ് ജോലി ചെയ്യുന്ന സ്കൂൾ മാനേജർക്ക് കത്ത് നൽകി. 24 മണിക്കൂറിനകം സസ്പെൻഷനടക്കമുള്ള അച്ചടക്ക നടപടി സ്വീകരിക്കണമെന്നും കത്തിൽ വ്യക്തമാക്കുന്നു. ടി.കെ. അഷ്റഫിന്റെ ഫേസ്ബുക്ക് പോസ്റ്റും ഈ കത്തിനൊപ്പം ചേർത്തിട്ടുണ്ട്.