വീണ്ടും റെക്കോർഡിട്ട് സ്വർണം പവന് 87000

സംസ്ഥാനത്ത് സ്വർണവില ഇന്ന് കുത്തനെ ഉയർന്നു. കഴിഞ്ഞ ദിവസത്തെ ഇടിവിന് പിന്നാലെയാണ് സ്വർണവില വീണ്ടും ഉയർന്നത്. ഇന്ന് ഗ്രാമിന് 110 രൂപയാണ് വർധിച്ചത്. ഇതോടെ ഒരു ഗ്രാം സ്വർണത്തിൻ്റെ വില 10,875 രൂപയായി. പവന് 880 രൂപയുടെ വർധനവാണ് രേഖപ്പെടുത്തിയത്, ഇതോടെ ഒരു പവൻ സ്വർണത്തിൻ്റെ വില 87,000 രൂപയായി ഉയർന്നു.

നേരത്തെ, ചൊവ്വാഴ്ച ഉച്ചയ്ക്ക് ശേഷം സ്വർണവില കുറഞ്ഞിരുന്നു. അന്ന് ഗ്രാമിന് 80 രൂപ കുറഞ്ഞ് 10,765 രൂപയിലും, പവന് 640 രൂപ കുറഞ്ഞ് 86,120 രൂപയിലുമായിരുന്നു വ്യാപാരം നടന്നത്.