ഇസ്രായേലിനോട് പകരം ചോദിക്കുമെന്ന് ഹൂത്തികൾ

യെമൻ പ്രധാനമന്ത്രി അഹമ്മദ് അൽ റഹാവിയുടെ കൊലപാതകത്തിന് ഇസ്രായേലിനോട് പ്രതികാരം ചെയ്യുമെന്ന് ഹൂത്തികൾ. യെമൻ തലസ്ഥാനമായ സൻആയിൽ ഇസ്രായേൽ നടത്തിയ വ്യോമാക്രമണത്തിൽ ഹൂത്തി വിമതരുടെ പ്രധാനമന്ത്രിയും ഏതാനും മന്ത്രിമാരും കൊല്ലപ്പെട്ടിരുന്നു. എത്ര മന്ത്രിമാർ കൊല്ലപ്പെട്ടു എന്നതിനെക്കുറിച്ച് ഹൂത്തികൾ വ്യക്തമായ വിവരങ്ങൾ പുറത്തുവിട്ടിട്ടില്ല.

“നമ്മൾ പ്രതികാരം ചെയ്യും, മുറിവുകൾക്ക് പകരമായി ഒരു വിജയം സൃഷ്ടിക്കും,” ഹൂത്തികളുടെ സുപ്രീം പൊളിറ്റിക്കൽ കൗൺസിലിന്റെ ചെയർമാൻ മഹ്ദി അൽ-മഷാത്ത് ഒരു വീഡിയോ സന്ദേശത്തിൽ പറഞ്ഞു. ഇസ്രായേൽ നടത്തിയ വ്യോമാക്രമണത്തിലാണ് ഹൂത്തികൾ നേതൃത്വം നൽകുന്ന സർക്കാരിന്റെ പ്രധാനമന്ത്രി അഹമ്മദ് അൽ റഹാവിയും മറ്റ് മന്ത്രിമാരും കൊല്ലപ്പെട്ടതെന്നാണ് റിപ്പോർട്ടുകൾ.