‘ഹമാസിനെ ഇല്ലാതാക്കൻ പലതും ചെയ്യും, ഗസ്സയിലെ ജനങ്ങൾക്ക് എന്ത് സംഭവിക്കുന്നു എന്നതിനെക്കുറിച്ച് ആകുലതയില്ല’ ഇസ്രായേൽ ധനകാര്യമന്ത്രി ബെസാലേൽ സ്മോട്രിച്ച്

അതിരൂക്ഷമായ നിലപാടുമായി ഇസ്രായേൽ ധനകാര്യമന്ത്രി ബെസാലേൽ സ്മോട്രിച്ച് രംഗത്ത്. ഹമാസിനെ പൂർണ്ണമായും ഇല്ലാതാക്കാൻ എന്തും ചെയ്യുമെന്നും, ഗസ്സയിലെ ജനങ്ങൾക്ക് എന്ത് സംഭവിക്കുന്നു എന്നതിനെക്കുറിച്ച് തങ്ങൾക്ക് ആശങ്കയില്ലെന്നും അദ്ദേഹം പറഞ്ഞു. ഇസ്രായേൽ സൈനിക നടപടികളിൽ ഗസ്സയിൽ സാധാരണക്കാർ കൊല്ലപ്പെടുന്നതിനെക്കുറിച്ചുള്ള ചോദ്യത്തിന് മറുപടി പറയുകയായിരുന്നു അദ്ദേഹം.

ഹമാസാണ് ഗസ്സയിലെ മുഴുവൻ പ്രശ്‌നങ്ങൾക്കും കാരണം. അവരെ ഇല്ലാതാക്കുന്നതിന് മുൻഗണന നൽകും. അതിനായി ഏതറ്റം വരെയും പോകും. സാധാരണക്കാരുടെ മരണത്തിൽ ദുഃഖമുണ്ടെങ്കിലും, ഹമാസ് തീവ്രവാദികളെ ഉന്മൂലനം ചെയ്യുന്നതിനാണ് തങ്ങളുടെ മുൻഗണന എന്നും അദ്ദേഹം കൂട്ടിച്ചേർത്തു. ഇസ്രായേൽ സൈനിക നടപടികളിൽ ഗസ്സയിൽ സാധാരണക്കാർ കൊല്ലപ്പെടുന്നതിനെക്കുറിച്ചുള്ള ചോദ്യത്തിന് മറുപടി പറയുകയായിരുന്നു അദ്ദേഹം. ലോകം മുഴുവൻ ഇസ്രായേലിനെ നിരീക്ഷിക്കുകയാണ്. യൂറോപ്പ് ഞങ്ങളെ തടയാൻ സമ്മർദ്ദം ചെലുത്തുന്നു, ഹമാസും ഇസ്രായേലിലെ ഇടതുപക്ഷവും ഞങ്ങളെ തടയാൻ ആഗ്രഹിക്കുന്നു. പക്ഷേ പൂർണ്ണ വിജയം നേടുന്നതുവരെ മുന്നോട്ട് പോകാൻ ഞാൻ എന്റെ കഴിവിന്റെ പരമാവധി ചെയ്യുമെന്നും അദ്ദേഹം പറഞ്ഞു. സാമ്പത്തികമായി ഉപരോധം ഏർപ്പെടുത്തിയും സഹായങ്ങൾ നിർത്തിവെച്ചും ഗസ്സയെ പൂർണമായും ഒറ്റപ്പെടുത്തണമെന്നും സ്മോട്രിച്ച് ആവശ്യപ്പെട്ടു. ടാങ്കുകൾ ഉപയോഗിച്ച് മാത്രം ഹമാസിനെ ഇല്ലാതാക്കാൻ കഴിയില്ലെന്നും, അതിനാൽ ഹമാസിനുള്ള സഹായങ്ങൾ മുറിച്ചുമാറ്റണമെന്നും, അതിലൂടെ അവരെ സാമ്പത്തികമായി ഞെരുക്കണമെന്നും അദ്ദേഹം കൂട്ടിച്ചേർത്തു.