അമേരിക്കയില്‍ ഷട്ട്ഡൗണ്‍ തുടരും: തുടര്‍ച്ചയായി 11ാം തവണയും ധനബിൽ യു.എസ് സെനറ്റില്‍ പരാജയപ്പെട്ടു

വാഷിംഗ്ടൺ ഡി.സി: അമേരിക്കയിൽ ഷട്ട്ഡൗൺ പ്രതിസന്ധി രൂക്ഷമാകുന്നു. രാജ്യത്തെ പ്രവർത്തനങ്ങൾ താറുമാറാക്കി ഷട്ട്ഡൗൺ തുടർച്ചയായ ദിവസങ്ങളിലും തുടരുമ്പോൾ, പ്രതിസന്ധി പരിഹരിക്കാനുള്ള നിർണ്ണായക നീക്കമായ ധനബിൽ യു.എസ്. സെനറ്റിൽ 11-ാം തവണയും പരാജയപ്പെട്ടു. സർക്കാർ ഫണ്ടിംഗ് ബിൽ പാസാക്കുന്നതിൽ സെനറ്റിലെ ഭിന്നതകൾ തുടരുന്നതാണ് ഷട്ട്ഡൗൺ നീണ്ടുപോകാൻ കാരണം. ഡെമോക്രാറ്റുകളും റിപ്പബ്ലിക്കൻമാരും തമ്മിലുള്ള അഭിപ്രായവ്യത്യാസങ്ങൾ ധനബിൽ പാസാക്കുന്നതിന് തടസ്സമുണ്ടാക്കുന്നു.

ഫണ്ട് ലഭിക്കാത്തതിനെ തുടർന്ന് നൂറുകണക്കിന് സർക്കാർ ജീവനക്കാർക്ക് ശമ്പളം ഇല്ലാതെ വീട്ടിലിരിക്കേണ്ടി വരികയും നിരവധി സർക്കാർ സ്ഥാപനങ്ങളുടെ പ്രവർത്തനങ്ങൾ ഭാഗികമായി നിലയ്ക്കുകയും ചെയ്തു. അമേരിക്കൻ സമ്പദ്‌വ്യവസ്ഥയ്ക്ക് ഇത് വലിയ തിരിച്ചടിയാണ് നൽകുന്നത്. പ്രതിസന്ധി പരിഹരിക്കുന്നതിനായി ഇരുപാർട്ടികളും ഉടൻ സമവായത്തിലെത്തുമെന്നാണ് ലോകം ഉറ്റുനോക്കുന്നത്.