ജെൻ-സി പ്രക്ഷോഭം, നേപ്പാൾ മുന്‍ പ്രധാനമന്ത്രിയുടെ വീടിന് തീയിട്ട് പ്രക്ഷോപകർ, ഭാര്യ വെന്തുമരിച്ചു

കാഠ്മണ്ഡു: ജെൻസി പ്രക്ഷോഭത്തിൽ നേപ്പാളിൽ വ്യാപകമായി അക്രമം. ഇതിനിടെ, മുൻ പ്രധാനമന്ത്രി ജലനാഥ് ഖനാലിൻ്റെ ഭാര്യ രാജ്യലക്ഷ്മി ചിത്രകാർ പ്രതിഷേധക്കാരുടെ ആക്രമണത്തിൽ വെന്തുമരിച്ചു. രാജ്യതലസ്ഥാനമായ കാഠ്മണ്ഡുവിലെ ദള്ളു പ്രദേശത്തെ വസതിയിലാണ് പ്രതിഷേധക്കാർ വീടിന് തീയിട്ടത്.

റിപ്പോർട്ടുകൾ പ്രകാരം, പ്രതിഷേധക്കാർ രാജ്യലക്ഷ്മിയെ വീടിനകത്ത് പൂട്ടിയിട്ട ശേഷമാണ് തീയിട്ടത്. ഗുരുതരമായി പൊള്ളലേറ്റ അവരെ ഉടൻ തന്നെ ബേൺ ആശുപത്രിയിൽ പ്രവേശിപ്പിച്ചെങ്കിലും ചികിത്സയ്ക്കിടെ മരണം സംഭവിക്കുകയായിരുന്നു. രാജ്യമെമ്പാടും മന്ത്രിമാരുടെ വസതികൾക്കും സർക്കാർ കെട്ടിടങ്ങൾക്കും നേരെ വ്യാപകമായ ആക്രമണങ്ങളാണ് നടക്കുന്നത്.