‘യുദ്ധത്തിൽ എന്തും സംഭവിക്കും’ ഇസ്രായേൽ ആക്രമണത്തിൽ മാധ്യമ പ്രവർത്തകർ കൊല്ലപ്പെട്ടതിനെ ന്യായീകരിച്ച് അമേരിക്ക

ഞായറാഴ്ച വടക്കൻ ഗസ്സയിൽ അൽ ജസീറയുടെ ഏറ്റവും പ്രമുഖനായ ലേഖകൻ അനസ് അൽ-ഷെരീഫ് ഉൾപ്പെടെയുള്ള മാധ്യമപ്രവർത്തകരെ ഇസ്രായേൽ കൊലപ്പെടുത്തിയിരുന്നു. ഇതിനെ ഒരു യുദ്ധമേഖലയിലെ സാധാരണ സംഭവം മാത്രമായി ട്രംപ് ഭരണകൂടം തള്ളിക്കളയുന്ന നിലപാടാണ് സ്വീകരിച്ചത്. ഗസ്സയിൽ മാധ്യമപ്രവർത്തകരെ ഇസ്രായേൽ കൊലപ്പെടുത്തിയതുമായി ബന്ധപ്പെട്ട് അമേരിക്കൻ സ്റ്റേറ്റ് ഡിപ്പാർട്ട്‌മെൻ്റിൻ്റെ ആദ്യ പ്രതികരണമാണിത്.

അൽ ജസീറയുടെ റിപ്പോർട്ടർ ഷെരീഫിനെ വധിച്ചതിലുള്ള ഇസ്രായേലിൻ്റെ ന്യായീകരണത്തിൽ തൃപ്തിയുണ്ടോ എന്ന് ചോദിച്ചപ്പോൾ അമേരിക്കൻ സ്റ്റേറ്റ് ഡിപ്പാർട്ട്മെൻ്റ് വക്താവ് ടാമി ബ്രൂസ് ഇങ്ങനെ മറുപടി പറഞ്ഞു: “നമ്മൾ സങ്കീർണ്ണവും ഭയാനകവുമായ ഒരു സാഹചര്യമാണ് കൈകാര്യം ചെയ്യുന്നത്. വീണ്ടും ഓർമ്മിപ്പിക്കുന്നു, ഞങ്ങൾ നിങ്ങളെ ഇസ്രായേലിലേക്ക് വിടുന്നു. ഷെരീഫ് ഹമാസിൻ്റെ ഭാഗമായിരുന്നെന്നും ഒക്ടോബർ 7-ലെ ആക്രമണത്തെ പിന്തുണച്ചിരുന്നെന്നും കാണിക്കുന്ന തെളിവുകൾ ഇസ്രായേൽ പുറത്തുവിട്ടിട്ടുണ്ട്. തെളിവുകൾ അവരുടെ കൈവശമുണ്ട്.”