റയൽ താരം റോഡിഗ്രോക്കായി വലവിരിച്ച് ബയേൺ

റയൽ മാഡ്രിഡിന്റെ ബ്രസീലിയൻ വിങ്ങർ റോഡ്രിഗോയെ സ്വന്തമാക്കാൻ ജർമ്മൻ വമ്പൻമാരായ ബയേൺ മ്യൂണിക്ക് നീക്കം നടത്തുന്നതായി റിപ്പോർട്ടുകൾ. റോഡ്രിഗോയെ ടീമിലെത്തിക്കാൻ 998 കോടി രൂപയുടെ (ഏകദേശം 100 ദശലക്ഷം യൂറോ) ഓഫർ ബയേൺ മുന്നോട്ട് വെച്ചതായാണ് പുറത്തുവരുന്ന വിവരം.

ലിറോയ് സാനെ ഗലറ്റസാറെയിലേക്ക് പോയതോടെയാണ് ബയേൺ പകരക്കാരനെ തേടുന്നത്. ലിവർപൂളിന്റെ കൊളംബിയൻ അറ്റാക്കർ ലൂയിസ് ഡയസിനെയാണ് ക്ലബ് ആദ്യം നോട്ടമിട്ടതെങ്കിലും, 674 കോടി രൂപയുടെ വാഗ്ദാനം ലിവർപൂൾ നിരസിച്ചതോടെയാണ് ബയേണിന്റെ അന്വേഷണം റോഡ്രിഗോയിലെത്തിയത്. വരുന്ന സീസണിൽ ടീമിന്റെ അറ്റാക്കിംഗ് ശക്തിപ്പെടുത്തുന്നതിന്റെ ഭാഗമായാണ് റോഡ്രിഗോക്കായി ബയേൺ ശ്രമിക്കുന്നത്.