നെയ്മർ ഒപ്പുവെച്ച പന്ത് മോഷ്ടിച്ചു യുവാവിന് 17വർഷം തടവുശിക്ഷ വിധിച്ച് ബ്രസീലിയൻ കോടതി

നെയ്മർ ഒപ്പുവെച്ച പന്ത് മോഷ്ടിച്ചതിന് ബ്രസീലിൽ യുവാവിന് 17 വർഷം തടവ്. 2023 ജനുവരി 8-ന് ബ്രസീലിയയിലുണ്ടായ കലാപത്തിനിടെയാണ് ഈ മോഷണം നടന്നത്. 34 വയസ്സുകാരനായ നെൽസൺ റിബീറോ ജൂനിയറിനാണ് ബ്രസീലിയൻ സുപ്രീം കോടതി 17 വർഷം തടവ് ശിക്ഷ വിധിച്ചത്. നെയ്മർ ഒപ്പുവെച്ച പന്ത് മോഷ്ടിച്ചതിന് പുറമെ, അട്ടിമറി ശ്രമം, ക്രിമിനൽ സംഘത്തിൽ അംഗത്വം തുടങ്ങിയ കുറ്റങ്ങളും ഇയാൾക്കെതിരെ ചുമത്തിയിരുന്നു.

പ്രതികൾ ബ്രസീലിയൻ തലസ്ഥാനത്തെ സർക്കാർ സ്ഥാപനങ്ങളിലേക്ക് അതിക്രമിച്ചു കയറുകയും കൊള്ളയടിക്കുകയും ചെയ്യുന്നതിൽ സജീവമായി പങ്കെടുത്തതായി ജഡ്ജി അലക്സാണ്ടർ ഡി മൊറേസ് സ്ഥിരീകരിച്ചു.