ലീഗ്‌സ് കപ്പ് ഫൈനൽ: ഇന്റര്‍ മയാമിയെ തകര്‍ത്തെറിഞ്ഞ് സിയാറ്റില്‍ സൗണ്ടേഴ്‌സ്

ലീഗ്‌സ് കപ്പ് ഫൈനലിൽ സിയാറ്റിൽ സൗണ്ടേഴ്സിനെതിരെ ഇന്റർ മയാമി പരാജയപ്പെട്ടതോടെ ലയണൽ മെസ്സിയുടെ കരിയറിലെ 50-ാം ഫൈനൽ വിജയം എന്ന സ്വപ്നം തകർന്നു. എതിരില്ലാത്ത മൂന്ന് ഗോളുകൾക്കാണ് സിയാറ്റിൽ സൗണ്ടേഴ്സ് ഇന്റർ മയാമിയെ തകർത്ത് കിരീടം നേടിയത്.

കിരീടം ലക്ഷ്യമിട്ട് മെസ്സിക്കൊപ്പം ലൂയിസ് സുവാരസ്, റോഡ്രിഗോ ഡിപോൾ, സെർജിയോ ബുസ്‌ക്വെറ്റ്‌സ് എന്നിവരടങ്ങിയ ശക്തമായ ടീമിനെയാണ് ഹാവിയർ മഷറാനോ കളത്തിലിറക്കിയത്. എന്നാൽ, താരസമ്പന്നമായ മയാമി ടീമിന് സിയാറ്റിൽ സൗണ്ടേഴ്സിന്റെ ആക്രമണത്തിന് മുന്നിൽ പിടിച്ചുനിൽക്കാനായില്ല.