ഇന്ത്യൻ ഫുട്ബോളിന് തിരിച്ചടി ഫിഫ റാങ്കിംഗിൽ 133-ാം സ്ഥാനത്ത്

ഇന്ത്യൻ പുരുഷ ഫുട്ബോൾ ടീമിന്റെ മോശം പ്രകടനങ്ങൾ തുടരുകയാണ്. ഏറ്റവും പുതിയ ഫിഫ റാങ്കിംഗിൽ ഇന്ത്യ 133-ാം സ്ഥാനത്തേക്ക് വീണു, ഇത് കഴിഞ്ഞ 9 വർഷത്തിനിടയിലെ ഏറ്റവും മോശം റാങ്കിംഗാണ്. ഹോങ്കോങ്ങിനെതിരെ നടന്ന എഎഫ്സി ഏഷ്യൻ കപ്പ് യോഗ്യതാ മത്സരത്തിലെ തോൽവിക്ക് പിന്നാലെയാണ് ഈ കൂപ്പുകുത്തൽ.

മുൻപ് 127-ാം സ്ഥാനത്തായിരുന്ന ഇന്ത്യ ആറ് സ്ഥാനങ്ങൾ പിന്നോട്ട് പോയാണ് 133-ൽ എത്തിയത്. 2016 ഡിസംബറിൽ 135-ാം സ്ഥാനത്തായിരുന്ന ഇന്ത്യ, പിന്നീട് റാങ്കിംഗിൽ വലിയ മുന്നേറ്റം നടത്തി 2017-ൽ 96-ാം സ്ഥാനത്തും 2023-ൽ 99-ാം സ്ഥാനത്തും എത്തിയിരുന്നു. എന്നാൽ ഇപ്പോൾ വീണ്ടും മോശം അവസ്ഥയിലേക്ക് തിരിയുകയാണ്.

നിലവിൽ ഏഷ്യൻ ടീമുകളിൽ 24-ാം സ്ഥാനത്താണ് ഇന്ത്യ. ജപ്പാൻ (17), ഇറാൻ (20), ദക്ഷിണ കൊറിയ (23), ഖത്തർ (53) എന്നിവരാണ് ഏഷ്യയിൽ മുന്നിലുള്ള മറ്റ് പ്രധാന ടീമുകൾ