കോപ്പ അമേരിക്ക വനിത ചാമ്പ്യൻമാരായി ബ്രസിൽ

ഇക്വഡോറിലെ ക്വിറ്റോയിൽ നടന്ന കോപ്പ അമേരിക്ക ഫെമിനിന ഫൈനലിൽ കൊളംബിയയെ പെനാൽറ്റി ഷൂട്ടൗട്ടിൽ 5-4ന് പരാജയപ്പെടുത്തി ബ്രസീൽ ചാമ്പ്യൻമാരായി. നിശ്ചിത സമയത്തും അധികസമയത്തും ഇരു ടീമുകളും 4-4 സമനിലയിൽ പിരിഞ്ഞതിനെ തുടർന്നാണ് മത്സരം പെനാൽറ്റി ഷൂട്ടൗട്ടിലേക്ക് നീങ്ങിയത്.

ഈ വിജയത്തോടെ ബ്രസീൽ തങ്ങളുടെ ഒമ്പതാമത്തെ കോപ്പ അമേരിക്ക വനിതാ കിരീടം സ്വന്തമാക്കി. ഇത് തുടർച്ചയായ അഞ്ചാം തവണയാണ് അവർ കിരീടം നേടുന്നത്. മത്സരത്തിൽ ബ്രസീലിന്റെ ഗോൾകീപ്പർ ലോറെന ഡ സിൽവ രണ്ട് നിർണ്ണായക പെനാൽറ്റികൾ തടുത്തിട്ട് ടീമിന്റെ വിജയത്തിൽ നിർണായക പങ്ക് വഹിച്ചു.