ഗെറ്റാഫയെ തകർത്ത് ബാഴ്‌സ തോൽപിച്ചത് എതിരില്ലാത്ത മൂന്ന് ഗോളിന്

ലാലിഗയിൽ നടന്ന ആവേശകരമായ മത്സരത്തിൽ ഗെറ്റാഫയെ എതിരില്ലാത്ത മൂന്ന് ഗോളിന് തകർത്ത് ബാഴ്‌സലോണ. ബാഴ്സയ്ക്ക് വേണ്ടി ഫെറാൻ ടോറസ് (15′, 34′) ഇരട്ട ഗോളുകൾ നേടിയപ്പോൾ ഡാനി ഓൽമോ (62′) മറ്റൊരു ഗോൾ സ്വന്തമാക്കി. ഈ വിജയത്തോടെ 13 പോയിന്റുകളുമായി ബാഴ്‌സലോണ ലീഗ് പട്ടികയിൽ രണ്ടാം സ്ഥാനത്തേക്ക് ഉയർന്നു.

ജൊഹാൻ ക്രൈഫ് സ്റ്റേഡിയത്തിൽ നടന്ന മത്സരത്തിൽ ബാഴ്‌സലോണയുടെ ആധിപത്യം പ്രകടമായിരുന്നു. ആദ്യ പകുതിയിൽ റാഫിന്യ നൽകിയ പാസ് സ്വീകരിച്ച ഓൽമോ ഒരു ബാക്ക് ഹീലിലൂടെ പന്ത് ഫെറാൻ ടോറസിന് നൽകി, ടോറസ് അത് ഗോളാക്കി മാറ്റി. അധികം വൈകാതെ തന്നെ കൗണ്ടർ അറ്റാക്കിലൂടെ ഫെറാൻ ബാഴ്‌സയുടെ ലീഡ് ഉയർത്തി. രണ്ടാം പകുതിയിൽ പകരക്കാരനായി വന്ന മാർക്കസ് റാഷ്‌ഫോർഡിന്റെ അസിസ്റ്റിൽ ഡാനി ഓൽമോ മൂന്നാം ഗോളും നേടി.