Skip to content
Kerala

മാടക്കത്തറയിൽ വനത്തിനുള്ളിലെ ജലാശയത്തിൽ വീണ് തൊഴിലാളി മരിച്ചു; മൃതദേഹം കണ്ടെടുത്തത് 20 അടി താഴ്ചയിൽ നിന്ന്

കൂടെ ജോലി ചെയ്യുന്ന തൊഴിലാളികൾക്കൊപ്പം സ്ഥലത്തെത്തിയപ്പോഴായിരുന്നു അപ്രതീക്ഷിത ദുരന്തം.

W

web desk

Published on: 11 Nov 2026, 9:33 pm

മാടക്കത്തറയിൽ വനത്തിനുള്ളിലെ ജലാശയത്തിൽ വീണ് തൊഴിലാളി മരിച്ചു; മൃതദേഹം കണ്ടെടുത്തത് 20 അടി താഴ്ചയിൽ നിന്ന്

മാടക്കത്തറയിൽ വനത്തിനുള്ളിലെ വെള്ളം നിറഞ്ഞ കുഴിയിൽ (മടയിൽ) വീണ് തൊഴിലാളിക്ക് ദാരുണാന്ത്യം. മാടക്കത്തറ നാലാം വാർഡ് നീണ്ടുതലക്കൽ വീട്ടിൽ സുഭാഷ് (48) ആണ് അപകടത്തിൽ മരിച്ചത്. കൂടെ ജോലി ചെയ്യുന്ന തൊഴിലാളികൾക്കൊപ്പം സ്ഥലത്തെത്തിയപ്പോഴായിരുന്നു അപ്രതീക്ഷിത ദുരന്തം.

വിവരമറിഞ്ഞ ഉടൻ തന്നെ തൃശൂരിൽ നിന്നെത്തിയ അഗ്നിരക്ഷാസേന സ്ഥലത്ത് എത്തി രക്ഷാപ്രവർത്തനം ആരംഭിച്ചു. സീനിയർ ഫയർ ആൻഡ് റെസ്ക്യൂ ഓഫീസർ അനന്തകൃഷ്ണന്റെ നേതൃത്വത്തിലാണ് പ്രവർത്തനങ്ങൾ ഏകോപിപ്പിച്ചത്. സേനയിലെ സ്കൂബ ഡൈവർമാരായ എ.എസ്. അനിൽജിത്ത്, ജിമോദ് വി.വി എന്നിവർ വെള്ളക്കെട്ടിലിറങ്ങി നടത്തിയ തിരച്ചിലിൽ,

ചളിയും മാലിന്യങ്ങളും നിറഞ്ഞ ഏകദേശം 20 അടി താഴ്ചയിൽ നിന്നാണ് സുഭാഷിന്റെ മൃതദേഹം കണ്ടെടുത്തത്.

രക്ഷാപ്രവർത്തനത്തിൽ ഫയർ ആൻഡ് റെസ്ക്യൂ ഓഫീസർമാരായ പി.വി. സന്തോഷ് കുമാർ, വിപിൻ ദാസ്, ടി.സി. സജിത്ത്, വൈശാഖ് പ്രകാശൻ, ഹോം ഗാർഡുമാരായ പി.പി. ബേബി, ഐ.എസ്. തിലകൻ എന്നിവരും സജീവമായി പങ്കെടുത്തു.

Related Stories