സിഎച്ചിനെ ഓര്‍ത്തെങ്കിലും മുനീര്‍ ഇനി മത്സരിക്കരുത്‌: ബഷീർ വള്ളിക്കുന്ന്

ഇങ്ങനെ ഒരു പ്രതികരണം മുനീർ സാഹിബിൽ നിന്ന് കേൾക്കാൻ ആഗ്രഹിച്ച പതിനായിരക്കണക്കിന് അണികൾ ഉണ്ടാകും. അങ്ങനെ ഒരു പ്രതികരണം ഉണ്ടായിരുന്നുവെങ്കിൽ സി എച്ച് എന്ന മഹാനായ രാഷ്ട്രീയ നായകന്റെ ലെഗസിയിൽ അദ്ദേഹത്തിന്റെ പ്രിയപുത്രനും എക്കാലവും വെട്ടിത്തിളങ്ങി നിൽക്കുമായിരുന്നു.

പതിറ്റാണ്ടുകൾ എംഎൽഎയും മന്ത്രിയും സ്ഥാനമാനങ്ങളും ലഭിച്ചിട്ടും രോഗത്താൽ ക്ഷീണത്തിനായ ഈ ഘട്ടത്തിലും പാർലിമെന്ററി വ്യാമോഹങ്ങൾക്ക് പിന്നിൽ പോകുന്ന ഒരു മുനീർ സാഹിബിനെയാണോ പൊതുസമൂഹം പ്രതീക്ഷിച്ചത്. ഒരിക്കലുമല്ല എന്നാണ് എന്റെ തോന്നൽ.. ആ തോന്നൽ തെറ്റാണെങ്കിൽ ക്ഷമിക്കുക.

NB : സി എച്ചിന് ഞാനൊരു നോട്ടുമാല ഇട്ടിട്ടുണ്ട്. എന്റെ കുട്ടിക്കാലത്ത്.. അദ്ദേഹം ഹജ്ജിന് പോകുമ്പോൾ വള്ളിക്കുന്ന് റെയിൽവേ സ്റ്റേഷനിൽ സ്വീകരണം നല്കിയപ്പോൾ നാട്ടുകാർ നൽകിയ നോട്ടുമാല സി എച്ചിന്റെ കഴുത്തിൽ അണിയിച്ചത് ഞാനാണ്. എന്റെ ഉപ്പ എന്നെ എടുത്ത് പൊക്കി മാലയിടാൻ സഹായിച്ചു. സി എച്ചിന്റെ മകൻ മുനീറിൽ നിന്ന് ഞാനൊരു അവാർഡ് വാങ്ങിച്ചിട്ടുണ്ട്. നല്ല ലേഖനത്തിനുള്ള അവാർഡ്. ആ രണ്ട് ഓർമ്മകളും ഈ കുറിപ്പ് എഴുതുമ്പോൾ എന്റെ മനസ്സിലുണ്ട്. അദ്ദേഹത്തെ ഇഷ്ടപ്പെടാത്തത് കൊണ്ടുള്ള പോസ്റ്റല്ല ഇത്, ഇഷ്ടപ്പെടുന്നത് കൊണ്ട് എഴുതിയ വരികളാണ്. ഈ പോസ്റ്റിലെ ചില കമന്റുകൾ കണ്ടപ്പോൾ ഇതുകൂടി കൂട്ടിച്ചേർക്കണമെന്ന് തോന്നി.