പ്രൊഡ്യൂസേഴ്സ് അസോസിയേഷൻ തെരഞ്ഞെടുപ്പ്; സാന്ദ്ര തോമസ് സമർപ്പിച്ച ഹരജി കോടതി തള്ളി

കൊച്ചി: കേരള ഫിലിം പ്രൊഡ്യൂസേഴ്സ് അസോസിയേഷൻ തിരഞ്ഞെടുപ്പിൽ മത്സരിക്കുന്നതുമായി ബന്ധപ്പെട്ട് നടിയും -നിർമാതാവുമായ സാന്ദ്ര തോമസ് സമർപ്പിച്ച ഹർജി എറണാകുളം സബ് കോടതി തള്ളി. ഇതോടെ, പ്രസിഡന്റ് സ്ഥാനത്തേക്കുള്ള അവരുടെ മത്സര സാധ്യത അവസാനിച്ചു.
കോടതി തീരുമാനത്തിൽ നിരാശയുണ്ടെങ്കിലും ബഹുമാനിക്കുന്നു. ഇതിന്റെ അടുത്ത ഘട്ടത്തിലേക്ക് പോകാൻ തയ്യാറാണെന്നും സാന്ദ്ര തോമസ് കൂട്ടിച്ചേർത്തു. പണം കൊണ്ടും രാഷ്ട്രീയ സ്വാധീനം കൊണ്ടും ഏറ്റവും ഉന്നതരായ ആളുകൾക്കെതിരെയാണ് ഞാൻ സംസാരിക്കുന്നതെന്ന് ഉറച്ച ബോധ്യം തനിക്കുണ്ടെന്നും സാന്ദ്ര തോമസ് പറഞ്ഞു.