ഓപ്പൺ എ.ഐയുമായി 200 മില്യൺ ഡോളറിന്റെ കരാറിലൊപ്പിട്ട് യു.എസ് പ്രതിരോധ വകുപ്പ്

വാഷിംഗ്ടൺ: ചാറ്റ് ജിപിടി നിർമ്മാതാക്കളായ ഓപ്പൺ എ.ഐക്ക് യുഎസ് പ്രതിരോധ വകുപ്പിൽ നിന്ന് 200 മില്യൺ ഡോളറിന്റെ ആർട്ടിഫിഷ്യൽ ഇൻ്റലിജൻസ് (AI) ടൂളുകൾ നൽകുന്നതിനുള്ള കരാറിലൊപ്പിട്ടതായി പെന്റഗൺ തിങ്കളാഴ്ച പ്രസ്താവനയിൽ അറിയിച്ചു.

ഈ കരാർ പ്രകാരം, യുദ്ധത്തിലും മറ്റ് പ്രവർത്തന മേഖലകളിലുമുള്ള നിർണായക ദേശീയ സുരക്ഷാ വെല്ലുവിളികളെ നേരിടാൻ നൂതന AI കഴിവുകൾ വികസിപ്പിക്കും, പെന്റഗൺ പറഞ്ഞു.

ഈ ജോലികൾ പ്രധാനമായും വാഷിംഗ്ടണിലും സമീപ പ്രദേശങ്ങളിലുമായിരിക്കും നടക്കുകയെന്നും, 2026 ജൂലൈയോടെ ഇത് പൂർത്തിയാകുമെന്നും പെന്റഗൺ കൂട്ടിച്ചേർത്തു.

AI സാങ്കേതികവിദ്യയുടെ വർദ്ധിച്ചുവരുന്ന സ്വീകാര്യതയുടെ പശ്ചാത്തലത്തിൽ, ഓപ്പൺഎഐയുടെ വാർഷിക വരുമാനം ജൂൺ മാസത്തോടെ 10 ബില്യൺ ഡോളറായി വർദ്ധിച്ചു.