ഒൻപതാം റൗണ്ടിലും കുതിപ്പ് തുടർന്ന് ഷൗക്കത്ത്

മലപ്പുറം: നിലമ്പൂർ ഉപതിരഞ്ഞെടുപ്പിന്റെ വോട്ടെണ്ണൽ പുരോഗമിക്കവേ, യു.ഡി.എഫ്. സ്ഥാനാർത്ഥി ആര്യാടൻ ഷൗക്കത്ത് വ്യക്തമായ ലീഡ് നിലനിർത്തുന്നു. ഒൻപത് റൗണ്ട് വോട്ടെണ്ണൽ പൂർത്തിയായപ്പോൾ 5428 വോട്ടുകൾക്ക് ഷൗക്കത്താണ് മുന്നിൽ.

ഈ തിരഞ്ഞെടുപ്പിൽ എൽ.ഡി.എഫിനായി എം. സ്വരാജ് രണ്ടാമതും, സ്വതന്ത്ര സ്ഥാനാർത്ഥിയും മുൻ എം.എൽ.എ.യുമായ പി.വി. അൻവർ മൂന്നാമതുമാണ്. എൻ.ഡി.എ. സ്ഥാനാർത്ഥി മോഹൻ ജോർജ് ഉൾപ്പെടെ 10 സ്ഥാനാർത്ഥികളാണ് നിലമ്പൂരിൽ മത്സരരംഗത്തുണ്ടായിരുന്നത്.