പുതിയ ദേശീയ പാത തകർന്നു

നിർമ്മാണം പുരോഗമിക്കുന്ന ആറുവരിപ്പാതയുടെ ഒരു തകര്‍ന്നു. മലപ്പുറം കൂരിയാട് സർവീസ് സ്റ്റേഷന് സമീപമാണ് ഇന്ന് അപകടമുണ്ടായത്. ആറുവരിപ്പാതയുടെ സംരക്ഷണ ഭിത്തി സർവീസ് റോഡിലേക്ക് പതിക്കുകയായിരുന്നു.

സർവീസ് റോഡിലൂടെ സഞ്ചരിക്കുകയായിരുന്ന മൂന്ന് കാറുകൾക്ക് മുകളിലേക്കാണ് പാതയുടെ ഭാഗങ്ങൾ ഇടിഞ്ഞുവീണത്. ആര്‍ക്കും പരിക്കില്ല.

അപകടത്തെ തുടർന്ന് കൊളപ്പുറം കക്കാട് വഴി കോഴിക്കോട്ടുനിന്നും തൃശ്ശൂർ ഭാഗത്തേക്കുള്ള ഗതാഗതം പൂർണ്ണമായും സ്തംഭിച്ചു. വാഹനങ്ങൾ വി.കെ പടിയിൽ നിന്നും തിരിഞ്ഞ് മമ്പുറം വഴി കക്കാടിലൂടെ പോകേണ്ടതാണെന്ന് അധികൃതർ അറിയിച്ചു. രക്ഷാപ്രവർത്തനവും ഗതാഗതം പുനഃസ്ഥാപിക്കാനുള്ള ശ്രമങ്ങളും പുരോഗമിക്കുകയാണ്.