തന്നെ മർദിച്ചത് സർവീസിൽ നിന്ന് പിരിച്ചുവിട്ട പോലീസ് ഉദ്യോഗസ്ഥനെന്ന് ഷാഫി പറമ്പിൽ

പേരാമ്പ്രയിൽ വെച്ച് നടന്ന യൂത്ത് കോൺഗ്രസ് – പോലീസ് സംഘർഷവുമായി ബന്ധപ്പെട്ട് മർദ്ദനമേറ്റ് ചികിത്സയിൽ കഴിഞ്ഞ ശേഷം നടത്തിയ വാർത്താ സമ്മേളനത്തിലാണ് ഷാഫി പറമ്പിൽ എം.പി. ഗുരുതരമായ ഈ ആരോപണം ഉന്നയിച്ചത്. ലൈംഗിക പീഡനക്കേസിലെ അന്വേഷണത്തില്‍ വീഴ്‌ച വരുത്തിയതിന് സർവിസിൽനിന്ന് പിരിച്ചുവിട്ട സി.ഐ അഭിലാഷ് ഡേവിഡാണ് ​പേരാമ്പ്രയിൽ തന്നെ മർദിച്ചതെന്ന് ഷാഫി പറമ്പിൽ എം.പിയുടെ വെളിപ്പെടുത്തൽ. ഇന്ന് കോഴിക്കോട് നടത്തിയ വാർത്താ സമ്മേളനത്തിലാണ് ചിത്രങ്ങളും വിഡിയോകളും സഹിതം ഇക്കാര്യം വ്യക്തമാക്കിയത്.

ഭൂമാഫിയാ ബന്ധങ്ങളും ഒരു ബലാത്സംഗക്കേസിലെ വീഴ്ചകളും കാരണമായി 2023 ജനുവരി 19-ന് പിരിച്ചുവിട്ട മൂന്ന് ഉദ്യോഗസ്ഥരിൽ ഒരാളാണ് അഭിലാഷ് ഡേവിഡ് എന്നും ഷാഫി പറമ്പിൽ വെളിപ്പെടുത്തി. പേരാമ്പ്രയിൽ താൻ പ്രകടനക്കാർക്കിടയിൽ നിൽക്കുമ്പോൾ ഒരേ പോലീസ് ഉദ്യോഗസ്ഥൻ തന്നെ ലാത്തികൊണ്ട് തലയിലും മൂക്കിലും ആസൂത്രിതമായി അടിക്കുന്നതിന്റെ ദൃശ്യങ്ങൾ വാർത്താസമ്മേളനത്തിൽ അദ്ദേഹം പുറത്തുവിട്ടു.