ചെങ്കടലിലെ ഹൂത്തികളുടെ കപ്പല്‍ ആക്രമണം; യമനില്‍ ബന്ദിയാക്കിയവരില്‍ മലയാളിയും?

ആലപ്പുഴ: ചെങ്കടലിലെ കപ്പലുകള്‍ക്ക് നേരെ ഹൂതികള്‍ ആക്രമണം ശക്തമാക്കിയിരിക്കുന്നതിനിടെ ഹൂത്തികളുടെ പിടിയില്‍ മലയാളിയും അകപ്പെട്ടതായി സംശയം. കപ്പലില്‍ ഉണ്ടായിരുന്ന കായംകുളം സ്വദേശി അനില്‍കുമാറിനെ കുറിച്ചാണ് വിവരമില്ലാത്തത്.

ബന്ദിയാക്കിയവരില്‍ അനില്‍കുമാര്‍ ഉണ്ടെന്നാണ് കുടുംബം പറയുന്നത്.കപ്പലില്‍ ഉണ്ടായിരുന്ന കന്യാകുമാരി സ്വദേശി അഗസ്റ്റിന്‍ രക്ഷപ്പെട്ട് നാട്ടിലെത്തി. അഗസ്റ്റിനുമായി സംസാരിക്കാന്‍ കുടുംബം കന്യാകുമാരിയിലേക്ക് പുറപ്പെട്ടു.

അനില്‍കുമാര്‍ ഹുത്തികളുടെ പിടിയിലാണെങ്കില്‍ അദ്ദേഹത്തെ മോചിപ്പിക്കാനും യമന്‍ വിമതരുമായി ചര്‍ച്ചകള്‍ നടത്തേണ്ടതുണ്ട്.