രാജ്ഭവനിലെ കാവിവത്കരണം വിവാദങ്ങളോട് പ്രതികരിക്കാതെ മുഖ്യമന്ത്രി

തിരുവനന്തപുരം: രാജ്ഭവനുള്ളിൽ മാത്രമല്ല, പുറത്തും ഗവർണർ രാജേന്ദ്ര ആർലേക്കർ പ്രത്യക്ഷ സംഘപരിവാർ അജണ്ടകൾ നടപ്പാക്കിത്തുടങ്ങിയിട്ടും സർക്കാരും മുഖ്യമന്ത്രിയും മൗനം പാലിക്കുന്നതിനെതിരെ വ്യാപക വിമർശനം. ആർ.എസ്.എസ്. നേതാവ് ഗുരുമൂർത്തിയുടെ പ്രഭാഷണവും ഭാരതാംബ വിവാദവും മുതൽ ഒടുവിൽ ആർ.എസ്.എസ്. നേതാക്കളുടെ ചിത്രങ്ങൾ സ്ഥാപിക്കുന്നതിൽ വരെ രാജ്ഭവന്റെ നിലപാടുകൾ മാറുമ്പോഴും മുഖ്യമന്ത്രി പിണറായി വിജയൻ പ്രതികരിക്കുന്നില്ലെന്നതാണ് ശ്രദ്ധേയം. ചിത്രം ഒരു കാരണവശാലും അവിടെ നിന്ന് മാറ്റില്ലെന്ന നിലപാടിൽ ഗവർണർ രാജേന്ദ്ര ആർലേക്കർ ഉറച്ചുനിൽക്കുകയാണ്. അതേസമയം, ഗവർണറെ തിരിച്ചുവിളിക്കണമെന്ന ആവശ്യം ശക്തമായിക്കൊണ്ടിരിക്കുകയാണ്.

കൃഷി വകുപ്പ് രാജ്ഭവനിൽ സംഘടിപ്പിച്ച പരിസ്ഥിതി ദിനാഘോഷ വേദിയിൽ ഭാരതാംബയുടെ ചിത്രം വെച്ചതിനെ ചൊല്ലിയുള്ള തർക്കമാണ് സർക്കാരും ഗവർണറും തമ്മിലുള്ള ബന്ധത്തിൽ വിള്ളലുണ്ടാക്കിയത്. ചിത്രവും പുഷ്പാർച്ചനയും ഒഴിവാക്കണമെന്ന് ഗവർണറുടെ സെക്രട്ടറിയെ വിളിച്ച് കൃഷിമന്ത്രി പി. പ്രസാദ് ആവശ്യപ്പെട്ടിരുന്നു. എന്നാൽ, അത് സാധ്യമല്ലെന്നും രാജ്ഭവനിലെ കാര്യങ്ങളിൽ അന്തിമ തീരുമാനം ഗവർണറുടേതാണെന്നുമായിരുന്നു മറുപടി. ഇതിൽ പ്രതിഷേധിച്ച് കൃഷി മന്ത്രി ചടങ്ങ് ബഹിഷ്കരിക്കുകയും ചെയ്തു.

രാ​ജ്​​ഭ​വ​ൻ പ​രി​പാ​ടി​യി​ൽ ആ​ർ.​എ​സ്.​എ​സ് നേ​താ​വ് എ​സ്. ഗു​രു​മൂ​ർ​ത്തി​യെ പ​​ങ്കെ​ടു​പ്പി​ച്ച​തി​നെ​തി​​രെ പ്ര​തി​പ​ക്ഷം പ്ര​തി​ഷേ​ധം ക​ടു​പ്പി​ച്ചി​ട്ടും മ​യ​ത്തി​ലാ​യി​രു​ന്നു സി.​പി.​എം​ പ്ര​തി​ക​ര​ണം. പ​രി​സ്ഥി​തി ദി​നാ​ഘോ​ഷ​ത്തി​ലെ ​ഭാ​ര​താം​ബ വി​വാ​ദ​ത്തി​ൽ കൃ​ഷി​മ​ന്ത്രി രാ​ജ്​​ഭ​വ​നി​ലെ ച​ട​ങ്ങ്​ ബ​ഹി​ഷ്ക​രി​ക്കു​ക​യും സി.​പി.​ഐ രൂ​ക്ഷ വി​മ​ർ​ശ​ന​വു​മാ​യി രം​ഗ​ത്തെ​ത്തു​ക​യും ചെ​യ്​​തി​ട്ടും മി​ണ്ടാ​ൻ മു​ഖ്യ​മ​ന്ത്രി ത​യാ​റാ​യി​ല്ല. രാ​ജ്​​ഭ​വ​നി​ൽ ആ​ർ.​എ​സ്.​എ​സ്​ സ്ഥാ​പ​ക​ൻ ഹെ​ഡ്​​ഗേ​വാ​ർ, ര​ണ്ടാം സ​ർ സം​ഘ്​​ചാ​ല​ക്​ ഗോ​ൾ​വാ​ൾ​ക്ക​ർ എ​ന്നി​വ​രു​ടെ ചി​ത്ര​ങ്ങ​ൾ സ്ഥാ​പി​ച്ച​പ്പോ​ഴും കാ​ര്യ​മാ​യ പ്ര​തി​ക​ര​ണ​ങ്ങ​ളൊ​ന്നും സ​ർ​ക്കാ​റി​ന്‍റെ ഭാ​ഗ​ത്ത്​ നി​ന്നു​ണ്ടാ​യി​ട്ടി​ല്ല.