കേരളത്തോട് അവഗണന

വീണ്ടും കേരളത്തിന് അവഗണനയുടെ ബജറ്റ്. കേരളം ആവശ്യപ്പെട്ട ഇരുപത്തിനാലായിരം കോടി രൂപയുടെ പ്രത്യേക പാക്കേജ് ആവശ്യപ്പെട്ടിരുന്നെങ്കിലും അവഗണനതന്നെയായിരുന്നു മറുപടി. വിഴിഞ്ഞം പദ്ധതിക്കുള്ള 5000 കോടിയുടെ  സഹായ അഭ്യര്‍ഥനയും വയനാടിനുള്ള പ്രത്യേക പാക്കേജ് വേണമെന്നും കേരളം ആവശ്യപ്പെട്ടിരുന്നു, എന്നാല്‍ അവയൊന്നും തന്നെ പരിഗണിച്ചില്ല. കേരളം അവശ്യപ്പെട്ടതില്‍ നിന്ന് ആകെ ലഭിച്ചത് പാലക്കാട് ഐ.ഐ.ടി ല്‍ പുതിയ കോഴ്സ് മാത്രമാണ്.

25 ല​ക്ഷം കോ​ടി​യാ​ണ് സം​സ്ഥാ​ന​ങ്ങ​ൾ​ക്ക് ആ​കെ നീ​ക്കി​വെ​ച്ച​ത്.കഴിഞ്ഞ പ്രാവശ്യം ഇ​ത് 21 ല​ക്ഷം കോ​ടി​യാ​യി​രു​ന്നു. ജ​ന​സം​ഖ്യാ​നു​പാ​തി​ക​മാ​യി കേ​ര​ള​ത്തി​ന്​ ലഭിക്കേണ്ടത്​ 73,000 കോ​ടി​യാ​ണെ​ങ്കി​ലും ല​ഭി​ച്ച​ത് 32000 കോ​ടി. സം​സ്ഥാ​ന​ങ്ങ​ൾ​ക്കു​ള്ള മൊ​ത്തം വി​ഹി​ത​ത്തി​ൽ ഇ​ക്കു​റി നാ​ല് ല​ക്ഷം കോ​ടി വ​ർ​ധി​ച്ച സാ​ഹ​ച​ര്യ​ത്തി​ൽ കേ​ര​ള​ത്തി​നു​ള്ള വി​ഹി​ത​ത്തി​ൽ 14,000 കോ​ടി​യു​ടെ വ​ർ​ധ​ന​യു​ണ്ടാ​ക​ണം. പ​ക്ഷേ വ​ർ​ധ​ന 3000-4000 കോ​ടി മാ​ത്ര​മാ​ണ്.

വായ്പാ പരിധിയുടെ കാര്യത്തിലടക്കം കേരളം മുമ്പോട്ടുവച്ച ആവശ്യങ്ങളെ അംഗീകരിച്ചിട്ടില്ല. കാര്‍ഷികോത്പന്നങ്ങള്‍ക്ക് ഉയര്‍ന്ന താങ്ങുവിലയില്ല. റബ്ബര്‍-നെല്ല്-നാളികേര കൃഷികള്‍ക്ക് പരിഗണനയില്ല. അവയ്ക്കായി സമര്‍പ്പിച്ച പദ്ധതികള്‍ക്ക് അംഗീകാരമില്ല. റബ്ബര്‍ ഇറക്കുമതി നിയന്ത്രിക്കില്ല. കേരളത്തിന്റെ പ്രതീക്ഷകള്‍ക്കെതിരായ അവഗണനയുടെ രാഷ്ട്രീയ രേഖയായി മാറി കേന്ദ്ര പൊതുബജറ്റ്.