എന്റെ ഈ ഒറ്റ ജീവിതം ജനങ്ങൾക്ക് മുന്നിൽ ജീവിച്ച് മരിക്കാനാണ് വന്നിരിക്കുന്നത്: വേടൻ

ഒരുപാട് ആളുകൾ വിചാരിക്കുന്നത് വേടൻ എവിടെയോ പോയെന്നാണെന്നും എന്നാൽ, ഒരു കലാകാരൻ ഒരിക്കലും എവിടെയും പോകുന്നില്ലെന്ന് റാപ്പര്‍ വേടൻ. പീഡന പരാതി വിവാദങ്ങൾക്കിടെയാണ് വേടന്റെ പ്രതികരണം. കോന്നിയിലെ സംഗീത പരിപാടിക്കിടെയായിരുന്നു വേടൻ പ്രതികരിച്ചത്. ജീവിതം ഈ ജനങ്ങൾക്കിടയിൽ ജീവിച്ചു മരിക്കാൻ തന്നെയാണ് തീരുമാനിച്ചിരിക്കുന്നതെന്നും വേടൻ പറഞ്ഞു.

ബലാത്സംഗ കേസിൽ നാളെ തൃക്കാക്കര പൊലീസിനു മുന്നിൽ ചോദ്യം ചെയ്യലിന് ഹാജരാകാനിരിക്കെയാണ് വേടന്‍റെ പ്രതികരണം. മുന്‍കൂർ ജാമ്യാപേക്ഷ കോടതിയുടെ പരിഗണനയിലിരിക്കുമ്പോൾ വേടനെ അറസ്റ്റ് ചെയ്യരുതെന്ന് ഹൈക്കോടതി നേരത്തെ പറഞ്ഞിരുന്നു.