പാലക്കാട് വൻ സ്‌ഫോടക ശേഖരം പിടികൂടി

പാലക്കാട്: മണ്ണാർക്കാട് ആനമൂളി ഫോറസ്റ്റ് ചെക്ക് പോസ്റ്റിന് സമീപം പോലീസ് നടത്തിയ വാഹന പരിശോധനയിൽ വൻ സ്‌ഫോടക ശേഖരം പിടികൂടി. ഓട്ടോറിക്ഷയിൽ കടത്തുകയായിരുന്ന 405 ജലാറ്റിൻ സ്റ്റിക്കുകളും 399 ഡിറ്റനേറ്ററുകളുമാണ് പിടിച്ചെടുത്തത്.

തച്ചമ്പാറ സ്വദേശിയായ സന്ദീപ് എന്നയാളാണ് സ്‌ഫോടകവസ്തുക്കൾ കൊണ്ടുപോയിരുന്നത്. മണ്ണാർക്കാടുനിന്ന് അട്ടപ്പാടിയിലെ പുതൂരിലേക്ക് കൊണ്ടുപോകുന്നതിനിടെയാണ് ഇയാൾ പോലീസ് പിടിയിലായത്. സംഭവത്തിൽ കൂടുതൽ അന്വേഷണം നടന്നുവരികയാണ്.