എഡിജിപി എം.ആര്‍ അജിത് കുമാറിന് സര്‍ക്കാര്‍ സംരക്ഷണം; മുന്‍ ഡിജിപി നല്‍കിയ റിപ്പോര്‍ട്ടുകള്‍ മടക്കി

എഡിജിപി എം.ആര്‍ അജിത് കുമാറിനെതിരായ രണ്ട് അന്വേഷണ റിപ്പോര്‍ട്ടുകള്‍ മടക്കി അയച്ച് സര്‍ക്കാര്‍. മുന്‍ ഡിജിപി ഷെയ്ഖ് ദര്‍വേഷ് സാഹിബ് സമര്‍പ്പിച്ച റിപ്പോര്‍ട്ടുകളാണ് അജിത് കുമാറിന് അനുകൂലമായ നിലപാടിന്റെ ഭാഗമായി സര്‍ക്കാര്‍ തിരിച്ചയച്ചത്.

സീനിയര്‍ ഉദ്യോഗസ്ഥന്‍ നല്‍കിയ റിപ്പോര്‍ട്ടില്‍, ജൂനിയര്‍ ഉദ്യോഗസ്ഥനായ എഡിജിപി റാവഡ ചന്ദ്രശേഖറിനോട് പരിശോധിച്ച് പുതിയ അഭിപ്രായം രേഖപ്പെടുത്താന്‍ ആവശ്യപ്പെട്ട സര്‍ക്കാര്‍ നടപടി അസാധാരണമാണ്.

തൃശൂര്‍ പൂരം നടത്തിപ്പുമായി ബന്ധപ്പെട്ട റിപ്പോര്‍ട്ട്, ഐപിഎസ് ഉദ്യോഗസ്ഥന്‍ പി. വിജയന്‍ നല്‍കിയ പരാതിയിന്മേലുള്ള ശുപാര്‍ശ എന്നിവയാണ് മടക്കിയത്. ഈ രണ്ട് റിപ്പോര്‍ട്ടുകളിലും അജിത് കുമാറിനെതിരെ പരാമര്‍ശങ്ങള്‍ ഉണ്ടായിരുന്നു. സര്‍ക്കാരിന്റെ ഈ നടപടി എഡിജിപിയെ സംരക്ഷിക്കാനാണെന്നുള്ള ആക്ഷേപം ശക്തമായിട്ടുണ്ട്.