ജി സുധാകരന്‍ കോണ്‍ഗ്രസ് വേദിയില്‍ പ്രശംസിച്ച് വി.ഡി സതീശന്‍

കെപിസിസി സംഘടിപ്പിച്ച ഗുരു-ഗാന്ധി സമാഗമ ശതാബ്ദി ആഘോഷത്തിൽ മുതിർന്ന സിപിഎം നേതാവ് ജി സുധാകരൻ പങ്കെടുത്തു. മുതിർന്ന സിപിഐ നേതാവ് സി ദിവാകരനൊപ്പമാണ് ജി സുധാകരൻ പരിപാടിയിൽ പങ്കെടുത്തത്. പരിപാടിയുടെ ഭാഗമായ “മൊഴിയും വഴിയും ആശയ സാഗര സംഗമം” സെമിനാർ പ്രതിപക്ഷ നേതാവ് വി ഡി സതീശൻ ഉദ്ഘാടനം ചെയ്തു.

ഉദ്ഘാടന പ്രസംഗത്തിൽ വി ഡി സതീശൻ, മുൻ പൊതുമരാമത്ത് മന്ത്രിയായ ജി സുധാകരനെയും മുൻ ഭക്ഷ്യ മന്ത്രിയായിരുന്ന സി ദിവാകരനെയും പ്രശംസിച്ചു. കേരളത്തിൻ്റെ ചരിത്രത്തിലെ നീതിമാനായ പൊതുമരാമത്ത് മന്ത്രിയാണ് സുധാകരനെന്നും നിയമസഭയിൽ ഉപദേശം നൽകിയ ജ്യേഷ്ഠ സഹോദരനാണ് സി ദിവാകരനെന്നും അദ്ദേഹം പറഞ്ഞു. ഇരുവരെയും നിയമസഭയിൽ വിമർശിക്കേണ്ടി വന്നിട്ടില്ലെന്നും വി ഡി സതീശൻ കൂട്ടിച്ചേർത്തു.