Skip to content
Kerala

ചടയമംഗലത്ത് എട്ടാം ക്ലാസുകാരനെ ക്രൂരമായി മർദ്ദിച്ച രണ്ടാനച്ഛൻ പിടിയിൽ

ഇയാൾ മദ്യലഹരിയിൽ കുട്ടിയെ ക്രൂരമായി മർദ്ദിക്കുന്നതിന്റെ ദൃശ്യങ്ങൾ പുറത്തുവന്നതോടെയാണ് സംഭവം വലിയ ചർച്ചയായത്

W

web desk

Published on: 13 Nov 2026, 6:04 pm

ചടയമംഗലത്ത് എട്ടാം ക്ലാസുകാരനെ ക്രൂരമായി മർദ്ദിച്ച രണ്ടാനച്ഛൻ പിടിയിൽ

കൊല്ലം: ചടയമംഗലത്ത് 13 വയസ്സുകാരനായ എട്ടാം ക്ലാസ് വിദ്യാർത്ഥിയെ അതിക്രൂരമായി മർദ്ദിച്ച രണ്ടാനച്ഛനെ പൊലീസ് അറസ്റ്റ് ചെയ്തു. മുഖ്യമന്ത്രിയുടെ ഇടപെടലിന് പിന്നാലെ ഓയൂരിൽ നിന്നാണ് പ്രതിയായ രാജേഷിനെ ചടയമംഗലം പൊലീസ് പിടികൂടിയത്. ഇയാൾ മദ്യലഹരിയിൽ കുട്ടിയെ ക്രൂരമായി മർദ്ദിക്കുന്നതിന്റെ ദൃശ്യങ്ങൾ പുറത്തുവന്നതോടെയാണ് സംഭവം വലിയ ചർച്ചയായത്.

ആദ്യ വിവാഹത്തിലെ മകനോടുള്ള ഇഷ്ടക്കേടാണ് ഈ ക്രൂരതയ്ക്ക് പിന്നിലെന്ന് കുട്ടിയുടെ മാതാവ് ശാലിനി വെളിപ്പെടുത്തി. മദ്യപിച്ചെത്തുന്ന ദിവസങ്ങളിലെല്ലാം രാജേഷ് കുട്ടിയെ മർദ്ദിക്കുകയും അസഭ്യം പറയുകയും ചെയ്യാറുണ്ടെന്നും അവർ പറഞ്ഞു. കുട്ടിയുടെ അമ്മ തന്നെ പകർത്തിയ മർദ്ദനത്തിന്റെ ദൃശ്യങ്ങൾ പുറത്തുവന്നതോടെയാണ് ക്രൂരത പുറംലോകമറിഞ്ഞതും പൊലീസ് അന്വേഷണം ഊർജ്ജിതമാക്കിയതും.

സംഭവത്തിൽ സംസ്ഥാന ബാലാവകാശ കമ്മിഷൻ സ്വമേധയാ കേസെടുത്തിട്ടുണ്ട്. മർദ്ദനത്തിൽ പരിക്കേറ്റ കുട്ടിക്ക് അടിയന്തര വൈദ്യസഹായവും തുടർചികിത്സയും ഉറപ്പാക്കാൻ മന്ത്രി ബിന്ദു കൃഷ്ണ ആരോഗ്യവകുപ്പ് അധികൃതർക്ക് നിർദേശം നൽകി. കുട്ടിക്ക് നേരെയുണ്ടായ അതിക്രമത്തിൽ കുറ്റവാളിക്കെതിരെ വിട്ടുവീഴ്ചയില്ലാത്ത കർശന നടപടി സ്വീകരിക്കുമെന്നും മന്ത്രി വ്യക്തമാക്കി.

കുട്ടിയുടെ സംരക്ഷണവും സുരക്ഷയും ഉറപ്പാക്കുന്നതിനുള്ള നടപടികൾ ശിശുക്ഷേമ സമിതിയുടെ നേതൃത്വത്തിൽ സ്വീകരിച്ചുവരികയാണ്. നിലവിൽ പൊലീസ് കസ്റ്റഡിയിലുള്ള പ്രതിയെ വിശദമായി ചോദ്യം ചെയ്ത ശേഷം കോടതിയിൽ ഹാജരാക്കും.

Related Stories